Nin Doorkii Ilmadeeradey Diric Maxaa Hoy’day:. Curiye Axmed Aw Yuusuf Ducaale

Dayaxii Dhecee Diridhabaan weli dayeysnahaye,
Doogtii ayaan nabaradii weli dabiibaaye,
Damqashada dareenkii ayaan daawo loo heline ,
Markaan dib u xusuustaan ilmada Caliyoow daadshaaye,
Haasaawihii diiranaa daartii laga waaye,
Dagalkuu ka baxay buu dadkii weli ka ooyaaye ,
Habeen dumay ayaa igu habsaday ,
Daaim Eebahaye danabyada Ilaah oofsadee darajediisaasa,
Nin doorkii ilmadeeradey diric maxaa hoy’day,

Digrigii iyo quraankii maxaa xero daliil waayey,
Duub-weyn musheekhdii maxaa duunka laga waayey,
U dibjire Calow danaha guud u xusul- duubaayey
Oo aan dillaal lagu aqoon damac inuu qaaday,
Indhihii degmada duul ahaa iyo daryeelkeeda ,
Xujaajtii markaan dib u dayaan murug dubaaxshaaye,
Digiigaxasho rixinkii dabcaan ooyay dabadeede ,
Nin doorkii ilmaadeeradey diric maxaa hoyday,

Waxaa didiyey maansadan Calow iyo dabuubteyda ,
Amin uu dadkii jiifsaduu seexadkala daatay,
Telephoonekii dananaayayeey diidey gacanteydu ,
Dabadeedna aan qaadayee diday war aad sheegtay,
Geeridey dilaaceen dheguhu Cali dayaankeeda,
Axmed baa dekaamoo naftii deyseydii naxaye ,
Degdegaan u kacay waanigii hadalka deydayaye ,
Maxaan dood wanaag iyo qoraal cidi daleyn doonin,
Maxaan cidina daarayn Caloow maasuq laga daalay
Maxaan cidi ku daaleyn xisaab cune dabool saaray,
Maxaan daba gaal raad laga shakiyey cidi daneyn doonin,
Muxuu tabi dadweynuhu dadaal daacadnimo muuqday ,
Maxaa deeqsinimo Cali latabi hogol darooraysey,

Waxa laygu daabacay Calow doqqon isoo qaaday,
Deriskuu uu siiyey uu ku yidhi duqqa ayaad moodey,
Nin doorkii ilmaadeeradey diric maxaa hoyday,
Dajin xeer axsaabeed markey beeli dalandooshay ,
Dimiqraadinimadii ayuu galay dagaalkeede ,
Xisbigiina diiwaan-gashaay diidney niman baaney,
Dubuhuu la dhacay baan ogaa dakharadiisiiye ,
Gudidii horee doorashada waxuu daneynaayey,
Dhisideeda doorkuu lahaa duudsi geli waaye,

Dirirtuu u galay UCID ayaan cidi ka doodeyne ,
Gaashaankuu daruuraan ogaa dabac la’aantiiye,
Ururkii markuu darey sidii midhaha soo daadshay,
Doorashadii xisbigga waakuwii dibadda soo dhigaye ,
Dafiraad cad weeyaan xaqooy dalaw ka tuureene,
Darajuu ka qaadaye iyagaa dagay naftoodiiye ,
Danjiruu ahaa heerka Qaran aan kazoo degine,
Cudurkii markuu daaray buu duuley qalinkiiye,
Dalka intii lakeenaa nay odhan soo dul joogsade e,
Diplamaasi weeyaan ilmadan daadan geerida e,
Waxba hadalku yuu ila durkine waxaan ku soo deyrey ,
Tiiraanyaan la duubnaa muddaba taahan damaha hayne,

Isagaa u danbeeyeye hadduu dahay xawaalkiisu ,
Uu cullimadii daris layahay diinta fidineysay ,
Qudbiyadii dariiqada Calow daaray nalalkeeda ,
Muftigii abbaan-duulkayahay amarka loo daayay ,
Intaasoo isdabajoogtaba dhab u dabaal degiye,
Docdii aykayaaleen qalbiggu waa dalool madhane ,
Giddigoodba daartii jannaaan ugu ducuyeeye,
Nin doorkii ilmaadeeradey diric maxaa hoyday.


Curiye: Axmed Yusuf Ducaale