Budhcad Badeedii Puntland Ayaa Xalay...
September 18, 2008

Budhcad badeedkii ayaa xalay Markab laga leeyahay Greek ku afduubtay xeebta gacanka cadmeed, unala kacday xeebaha Puntland, sida la filayo magaalada Ayl. Markabkani waa kii 13-aad inta 2 bilood la afduubay, waana kii 55-aad intii afduubka maraakiibtu bilaabmay. Todobaadkii dhawaa ayaa Midowga Yurub go'aamiyey in la habeeyo hawlgal Milateri oo lagula dagaalamo budhcad badeedka.

Dowlada Spain ayaa todobaadka soo socda soo diraysa dayuurad hawada ka ilaalisa maraakiibta maraysa mariin badeedyada halkaa ka dhow; taas ooy saaranyihiin ciidan 90 ahi saldhigooduna noqon doono Wadanka Djibuuti.

Waxaa xusid mudan in ciidamada Fransiisku todobaadkan badbaadiyeen 2 muwaadin op Fransiis oo afduub loogu haystay Buuralayda Xaafuun. Nin budhcadii ka mid ahaa oo halkaa ku dileen ciidamada fransiisku ayey meydkiisii ku wareejiyeen maamulka Puntland, 6 ay qabteena Paris ayey maxkamad ku saarayaan. Waa mar labaadkii ay Fransiisku hawlgal noocaas ah ay ka galaan Xeebaha Puntland.

Somalilandhorta