Somaliland Oo Ka Qaybgashay Shirka Baarlamaanada Afrika Uga Furmay Yugandha
September 23, 2008

Dawladda Somaliland ayaa lagu martiqaaday oo ka qaybgashay shir Baarlamaanada 13 dal oo afrikaan ah uga furmay caasimadda Dalka Yugandha ee Kambala.

Shirkan oo shaqaalaha baarlamaanada dalalkaasi uga bilaabmay Yugandha, Waxa Somaliland uga qayb gashay Farax Ibraahim Gamuute oo ka tirsan shaqaalaha Golaha Wakiilada oo u ambabaxday doraad caasimada Uganda ee Kampala.

Shirkan waxa ay shaqaalaha Baarlamaanada Africa ku baran doonan xidhiidhka Tiknoolajiyada iyo xoojinta xidhiidhka siyaasiyiinta iyo dhismaha Tiknoologiyada sidoo kale waxa lagaga hadli doonaa sidii jaangoyn ay dadka talada ka go’daa horumarin ugu samayn lahaayeen dalalkooda dhinacyada, Caafimaadka Beeraha, Deegaanka iyo isbedelka cimilada iyagoo cilmiyeynaya.

Shirarkan waxa si rasmiya u faray afhayeenka baarlamaanka dalka Uganda Hon. Edward Ssekandi Kiwanuka waxaana soo abaabulay machadka daraasadka siyaasada Technology’yada Africa (ATP’s) iyo xarunta horumarinta sayniska SCIDEV iyo xafiiska baarlamaanka ingiriiska u qabilsan sayniska iyo Technology (Post)

ka qaybgalka shirkaasi ay ka qaybgashay xubin ka mida shaqaalaha baarlamaanka Somaliland waxa suurtagaliyey ururka wadaniga ah ee reer Somaliland ee fadhigiisi yahay Hargeysa ee horumarinta adeega bulshadda SDS, waxaanu socon doonaa muddo Afar cisho ah.

__

Source: Gabiley Net