Ololaha Wacyi-Gelinta Diiwaan Gelinta Codbixiyayaasha
Doorashada Oo Ka Bilaamatay Laascaanood
October 3, 2008
Waxaa maanta si rasmi ah uga bilaamay magalada laascaanood ee xarunta gobolka
sool ololaha wacyi galineed ee diiwaan gelinta doorashada ka dhici doonta
soamliland sanada soo socota,talaabadan ayaa waxaa ay tahay tii u horaysay ee ku
aadan ololahaasi diiwaangelinta lagu wacyi galinayo dadwaynaha oo ka dhacday
gudaha magalada,waxaana fulinaya hawshan dallada ururada hawenka ee gobolka sool
ee la yidhaahdo NAGAAD iyagoo sheegay ururku inay wadayaan ololahan mudo laba
bilood ah oo todobaadkiiba labo maalmood laga samayn doono magalada wacyi
gelintan si dadka looga dhaadhiciyo waxay tahay is diiwaan gelintu.
Waxaa ilaa saaka dhex marayey gudaha iyo xaafadaha kala duwan ee magalada
baabuur ay ku rakibanyihiin mikirifoonada codbaahiyayaasha ah kuwaasi oo loo
adegsanayo in lagu gaadhsiiyo dhamaanaba dadwaynaha codka ololaha iyadoo ay
baburtaasi dhinacyada kaga xiranyihiin boodhadh lagu qoray hal ku dhagyo lagu
muujinayo faa'idada isdiiwaan gelintu.
Waa markii ugu horaysay oo ay sidan oo kale si guul leh uga hirgasho ololaha
diiwaangelintu iyadoo lagu wado in gabi ahaanaba magalada laascaanood iyo guud
ahaanba gobolka sool oo dhan ay ka dhici doonto doorashada hadii eebe idmo
iyadoo aysan si guud uga wada bilaaban ololahu ayaa magalada laascaanood waxaa
ay noqotay meelaha uu ugu hor bilaamay.
Dhinaca kale waxaa iyana maanta ka bilaamay qaadista canshuuraadka baabuurta
lagu soo rogay oo ka bilaamatay magalada iyadoo saaka lagu arkayey kantroolka
bari ee magalada baabur aad u tiro badan oo kuyuu ugu jira bixinta
canshuurta,waxayna waaxda cashuuraadku sheegeen inay si arsmi ah u bilabi
doonaan nooc kasta oo cashuur ah.
Arintan ayaa ka dambaysay ka dib markii dhawaan si rasmi ah iridaha loogu furay
waaxdii wasaarada maaliyada gobolka ee aan hore u shaqayn jirin iyo bankiga oo
isna hada la furay iyagoo dhamaanaba ay sheegen masuuliyiinta maaliyadu in ay si
dhakhso ah u shaqayn doonaan qaybhas oo dhami.
__
Source: Hadhwanaag News